ეკკო

დანიური ფეხსაცმლის ბრენდი „ეკკო“ „აი სი არმა“ ქართულ ბაზარზე 2007 წელს წარადგინა. მსოფლიოს წამყვანი ფეხსაცმლის მწარმოებელი ბრენდი“ეკკო“ თავის მომხმარებელს უკვე წლებია სტილისა და კომფორტის იდეალურ კომბინაციას სთავაზობს. ბრენდის წარმატება და პოპულარობა საუკეთესო დიზაინს, გამოყენებული ტყავის ხარისხსა და წარმოების ინოვაციურ ტექნოლოგიას ეფუძნება. „ეკკო“ 1963 წელს დანიაში დაარსდა. იგი ფეხსაცმლის მწარმოებელ კომპანიათა იმ მცირე რაოდენობას ეკუთვნის, რომელიც სრულად ფლობს და მართავს როგორც ტყავის, ისე ფეხსაცმლის წარმოებას და ამასთანავე საცალო გაყიდვების პროცესის ყველა ასპექტს. „ეკკო“ მსოფლიოში მაღალი ხარისხის ტყავის მწარმოებელ უმსხვილეს კომპანიათა ჩამონათვალშია. გარდა იმისა, რომ მაღალი ხარისხის ტყავს იგი იყენებს საკუთარი პროდუქციის წარმოებაში, ამასთანავე კომპანია ამარაგებს მსოფლიოს წამყვან პრემიუმ ბრენდებს. ამჟამად, „ეკკოს“ პროდუქცია 87 ქვეყანაში „ეკკოს“ 3 300 მაღაზიასა და სხვა მულტიბრენდულ მაღაზიებში იყიდება. მთელი მსოფლიოს მასშტაბით „ეკკოს“ პროდუქციის შეძენა 14 000 სავაჭრო წერტილშია შესაძლებელი. კომპანია ოჯახურ ბიზნესს წარმოადგენს და გლობალურად 19 000-ზე მეტი თანამშრომელი ჰყავს. „ეკკო“ თბილისში ორი მაღაზიით არის წარმოდგენილი. ასევე მომხმარებელს შესაძლებლობა აქვს რომ „ეკკოს“ ფეხსაცმელი შეიძინოს „სტუდიო ფეხსაცმლის გალერეას“ მაღაზიებში.

გალერეა