კაფე ლაბორატორია

2014 წელს „აი სი არის“ პორტფოლიოს „კაფე ლაბორატორია“ შეემატა, რომელიც განსხვავებული კონცეფციის კაფეებს აერთიანებს. „კაფე ლაბორატორია“ არ ერიდება „ექსპერიმენტებს“ შესაბამისად თითოეული კაფე ინდივიდუალურია და მომხმარებელს განსხვავებულ გარემოს, კერძებსა და შთაბეჭდილებებს სთავაზობს. კაფე ლაბორატორია გრიბოედოვზე - „კაფე ლაბორატორია გრიბოედოვზე“ კაფესა და მაღაზიის ორიგინალურ სინთეზს წარმოადგენს. აქ მოსულ სტუმრებს უგემრიელესი კერძების დაგემოვნების გარდა, „ლაბორატორია ჩემი სახლის“ ულამაზესი აქსესუარების შეძენის საშუალებაც ექნებათ. „კაფე ლაბორატორია გრიბოედოვზე“ მრავალფეროვანი მენიუთი და დახვეწილი ინტერიერით გამოირჩევა. სტუმრებს ფრანგული და იტალიური კერძების გარდა, სუშისა და კრეპების ასორტიმენტი ელოდებათ. აქვე შეგიძლიათ დააგემოვნოთ „კაფე ლა ფრანსის“ ცნობილი ტკბილეული და ფუნთუშეული. ზაფხულის განმავლობაში, მეგობრებსა და ოჯახის წევრებთან ერთად სასიამოვნო დროის გასატარებლად მოსულ სტუმრებს, გამწვანებული ტერასა ელოდებათ. მენიუ „კაფე ლაბორატორია დიღომში“ რესტორან „ტაბლას“, კაფე „პომოდორისიმოსა“ და კაფე „ლა ფრანსის“ უგემრიელესი კერძების სინთეზს წარმოადგენს. ყოველდღიური განახლებადი ლანჩ-მენიუ, „კაფე ლაბორატორიას“ ლანჩისათვის იდეალურ ადგილად აქცევს. მყუდრო და კომფორტული ინტერიერი კი საქმიანი შეხვედრებისა და მეგობრებთან სასიამოვნო დროის გატარებისთვის შესაფერის გარემოს ქმნის.